Пелеши: Македонската заедница е додадена вредност во мозаикот на вредности на нашите простори

 

Албанската  владејачка Социјалистичка партија (СП) ги објави имињата на кандидатите за градоначалници со кои ќе настапи на локалните избори што ќе се одржат на 14 мај  годинава.

Политичкиот координатор на  партијата за Округот на Корча и министер за одбрана Нико Пелеши во изјава за медиумите во Тирана ги престави кандидатите за градоначалници во општините во овој округ и го официјализира заедничкиот
настап со Македонска алијанса за европска интеграција.

- Во Пустец имаме мала, но важна општина затоа што е малцинска општина, една заедница, македонско малцинство, живее и работи таму. Тие се една заедница што е додадена вредност во мозаикот на културните, историските, етнографските и јазичните вредности на нашите простори, рече Пелеши.

Додаде дека за општина Пустец потврдена е кандидатурата на актуелниот градоначалник Пали Колефски како заеднички кандидат на СП и МАЕИ.

- Таму сме во партнерство, во алијанса со партијата Македонска алијанса за европска интеграција. Пали Колефски повторно ќе се кандидира како кандидат на Социјалистичката партија, но секако поддржан и во соработка со МАЕИ. Заедно
одиме на сигурна победа, изјави Пелеши.

Колефски првпат беше избран на изборите во јуни 2019 година.

МАЕИ свои кандидати за советници ќе има самостојно во општина Пустец, додека во повеќе општини, каде концентрацијата на македонската заедница е поголема, ќе
има на листите на СП. 

26.03.2023 - 13:58

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега