Министерката за образование и наука Весна Јаневска денеска ќе учествува на панел-дискусија посветена на предизвиците и трансформациите во високото образование, со фокус на вештачката интелигенција и соработката меѓу универзитетите и индустријата.
Панелот, на тема „Редизајнирање на високото образование и универзитетите: вештачката интелигенција и соработката со индустријата како едни од најсериозните предизвици на денешното време“, е дел од меѓународна конференција посветена на градење синергија за креирање иновативни решенија во процесот на дигитална трансформација.
Конференцијата ја организираат Машинскиот факултет и Асоцијацијата на европски професори по индустриско инженерство и менаџмент, а на неа се очекува учество на експерти, професори и претставници од академската и бизнис-заедницата.