Одделот за внатрешна контрола, криминалистички истраги и професионални стандарди при МВР, до надлежното Основно јавно обвинителство за гонење на организиран криминал и корупција, Специјализирано одделение за гонење на кривични дела сторени од лица со полициски овластувања и припадници на затворската полиција, поднесе кривична пријава против Р.С. за сторено кривично дело „примање поткуп“.
Пријавениот, во својство на полициски службеник од Полициската станица за безбедност на патниот сообраќај Куманово, на 27.02.2026 при вршење на службени дејствија со специјално возило „Пајак“, побарал и примил поткуп од лице од Куманово за да не му изготви записник за констатиран сообраќаен прекршок и прекршочен платен налог за сообраќаен прекршок поради непрописно паркирано моторно возило, со што овозможил да не биде казнет за констатираниот сообраќаен прекршок.
Одделот за внатрешна контрола против Р.С. поднесе предлог за поведување на постапка за кршење на работниот ред и дисциплина и отстранување од работното место.
- По 19 години го стигна потерницата: Македонец уапсен на Евзони
- Утре пристигнува првиот снег во регионот
- Пред нас свеж ден – УХМР ги измери темепратурите, предупредува за невреме
- ФОТО: Краделе што им дојде при рака – Еве што изнеле крадците од десетина куќи во тетовско
- Добри вести утрово: Цената на нафтата падна
- Од полноќ нови цени: Нафтата поевтина но дизелот ќе биде поскап
- Судењето за пожарот во „Пулс“ почна одново: 13 полицајци повторно пред Судот
- Чистка низ Скопје: Отстранети 650 кубни метри отпад
