Планинска спасителна служба на Водно и во Кањон Матка – безбедноста на граѓаните е наша обврска!
Денес, на Водно, заедно со Црвениот крст на Град Скопје, го презентиравме тимот за подготвеност и дејствување при катастрофи, како и проектот за функционирање на Планинската спасителна служба на Водно и обезбедување спасителни интервенции на подрачјето на Кањон Матка кој го реализираме заедно со Црвениот Крст, информираше на социјалните мрежи градоначалникот Орце Ѓорѓиевски.
Присуствувавме и на симулациска вежба за спасување повредено лице во планински услови, каде обучените спасители и парамедици ја демонстрираа својата подготвеност за брза, координирана и професионална реакција.
Кога е загрозен човечки живот, секоја секунда е драгоцена!
Токму затоа, преку организирани дежурства ќе се обезбедуваат прва помош, спасување, евакуација и безбеден транспорт на повредени лица.
Истовремено, ќе се спроведуваат континуирани обуки, тренинзи и симулациски вежби, со кои спасителите ќе ги унапредуваат своите знаења, вештини и оперативна подготвеност за дејствување во различни кризни ситуации.
Дополнително, посетителите ќе можат да го измерат крвниот притисок на штандовите кои се наоѓаат на овие места.
Нашата цел покрај брза и навремена реакција, е и да превенираме.
Преку едукативни активности ќе ја подигнуваме јавната свест за безбедно движење во природа, превенција од пожари и заштита на животната средина.
За реализација на активностите обезбедивме буџет кој е двојно повисок во споредба со претходната година!
Тоа значи повеќе опрема, поголема подготвеност и поквалитетна, навремена и професионална помош за сите на кои им е најпотребна.
Град Скопје се грижи за своите граѓани.
Градиме силен, ефикасен и одржлив систем кој ќе биде подготвен да одговори во секој момент, затоа што човечкиот живот нема цена!
Граѓаните кои ќе се најдат во неволја можат да побараат помош на дежурниот телефон: