Руската противвоздушна одбрана спречи нов сообраќаен колапс и потенцијална штета откако собори 13 украински дронови кои ноќта меѓу 10 и 11 август се движеле во правец на Москва.
За нападот информираше градоначалникот на Москва, Сергеј Собјанин, соопштувајќи дека воените сили најпрво уништиле седум, а потоа уште шест беспилотни летала. Екипите на итна помош и спасувачките служби излегоа на терен на сите точки каде што се паднати остатоците од соборените летала.
Нападот веднаш се одрази врз цивилниот воздушен сообраќај.
Федералната агенција за воздушен транспорт (Росавијација) затвори дел од воздушниот простор и воведе рестрикции на аеродромите Домодедово и Жуковски. По неколкучасовен прекин и летање исклучиво со одобрение, агенцијата соопшти дека состојбата е нормализирана.
Московскиот регион сè почесто е мета на вакви напади. Идентичен инцидент беше забележан и на 28 јули, кога по напад со десетици дронови избувна голем пожар во фабрички комплекс во околината на Москва.