ОЈО побара притвор за 22-годишен дилер од Радишани
Јавното обвинителство отвори истражна постапка против 22-годишен скопјанец за продажба продавање дрога.
-Осомничениот 22-годишен скопјанец, во домот во кој живеел во населбата Радишани, на 24 јуни, неовластено заради продажба држел наркотична дрога – марихуана со вкупна нето маса од 534,59 грама, спакувана во 11 најлонски пакувања со различна грамажа. Дрогата била пронајдена при претрес извршен во неговата соба, при што била одземена и една дигитална вага со остатоци од наркотична дрога, велат од ОЈО.
Бидејќи постојат околности кои упатуваат на опасност од бегство и можност осомничениот да го повтори делото, надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор за осомниченото лице.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
