Црногорската полиција експресно реагираше и уапси едно лице по сериозниот инцидент во кој беше сквернавено државното знаме на Црна Гора, придружено со националистички закани на социјалните мрежи.
Случајот кој предизвика лавина реакции во јавноста првично беше обелоденет од подгоричкиот медиум „Вијести“.
„Дода Иванај од Туѓе е уапсен под сомнение за сторено кривично дело нарушување на угледот на Црна Гора, објави неофицијално овој портал.“
Според полициските извори на кои се повикуваат медиумите, инцидентот се случил за време на неодамнешните празнувања во пограничното подрачје.
„Според истите информации, на 21 мај, во селото Коќе, Иванај го отстранил црногорското знаме од неговиот јарбол и го фрлил пред своите нозе.“
Осомничениот веднаш по чинот јавно се пофалил на својот приватен профил, испраќајќи радикални пораки.
„Во Коќе нема место за друго знаме освен албанското. Смрт за предавниците. Да живее Албанија“, напиша Иванај и објави на својот Инстаграм профил.“