Пет лица лишени од слобода за семејно насилство во последното деноноќие, вкупно седум пријавени случаи
Денеска (09.04.2026) во 01:00 часот во Свети Николе, полициски службеници од ОВР Свети Николе го лишија од слобода Д.В.(46) од село во општина Чашка, постапувајќи по претходна пријава дека на 08.04.2026 околу 23:45 часот во домот на неговата 45-годишна партнерка од Свети Николе ѝ упатувал закани со остар предмет. Подоцна, тој во Полициската станица Свети Николе упатувал закани и кон полициски службеник кој вршел службени дејствија. За настанот е известен јавен обвинител.
На 08.04.2026 во 23:00 часот, полициски службеници од ОВР Неготино ги лишиле од слобода 50-годишник од неготинско село и неговиот 28-годишен син, постапувајќи по претходна пријава дека во дворот од домот, 28-годишникот со употреба на остар предмет се обидел да го нападне неговиот татко, а тој со дрвен предмет го нападнал синот, кој се здобил со повреди, констатирани во Општа болница Кавадарци. Предметите биле пронајдени и одземени, а тие биле задржани во полициска станица. Известени биле јавен обвинител и Центар за социјални работи Неготино.
На 09.04.2026 во 01:00 часот во СВР Скопје, 48-годишен маж пријави дека на 08.04.2026 во домот на подрачјето на Гази Баба, неговата поранешна сопруга А.Ц.К.(45) од Скопје физички ги нападнала нивните две малолетни деца.
На 08.04.2026 во 12:30 часот во СВР Скопје, 26-годишна жена пријави дека на 07.04.2026 во домот на подрачјето на Драчево била физички нападната од нејзиниот невенчан сопруг Ш.С.(23). Со него бил извршен службен разговор во полициска станица.
На 08.04.2026 во 11:05 часот, полициски службеници од СВР Куманово го лишиле од слобода Д.И.(34) од Куманово затоа што физички го нападнал неговиот брат, кој бил на неговото работно место.
На 08.04.2026 во 19:40 часот во СВР Куманово, 77 – годишник од Куманово пријавил дека бил физички нападнат од неговиот син М.М. и неговата сопруга Б.М., со која е во бракоразводна постапка.
На 08.04.2026 во 14:50 часот во Прилеп, полициски службеници од ОВР Прилеп го лишија од слобода Д.К.(49) од Прилеп затоа што во 14:30 часот во семејниот дом физички ја нападнал неговата 72-годишна мајка.
Се преземаат мерки за расчистување на случаите и по нивно целосно документирање против сторителите ќе бидат поднесени соодветни пријави.