Полицијата успеа да го врати поголемиот дел од украдените пари и злато во вредност од вртоглави 65.000 евра, кои пред шест дена исчезнаа од дом во Гостивар. За тешката кражба осомничени и приведени се три лица на возраст од 24 и 27 години.
Акцијата за апсење се одвивала вчера попладне. Првично биле приведени две лица од Гостивар, А.З.(24) и М.З.(27), а подоцна и 24-годишната Н.И. од Тетово.
Клучниот момент во истрагата бил претресот во домот на првоосомничената А.З., каде полициските службеници ги пронашле украдените вредности.
Осомничените „оперирале“ на 14 декември во куќата на 58-годишниот Ф.М., од каде го изнеле вредниот плен.
„На 20.12.2025 во 18:20 часот, полициски службеници од ОВР Гостивар, поради основано сомнение дека на 14.12.2025 година извршиле тешка кражба во куќа сопственост на Ф.М.(58) од Гостивар, при што биле одземени пари и златен накит во вредност од околу 65.000 евра, ги лишиле од слобода А.З.(24) и М.З.(27), двете од Гостивар. Подоцна, од слобода била лишена и Н.И. (24) од Тетово. Истиот ден, по претходно добиена судска наредба, бил извршен претрес во домот на А.З., при што биле пронајдени и со потврда одземени поголем дел од украдените пари и златен накит, кои ќе бидат вратени на сопственикот“, соопштија од МВР.