Ново партнерство за филмската уметност во пресрет на Скопје 2028! Ова на социјалната мрежа Фејсбук го најави скопскиот градоначалник, Орце Ѓорѓиевски.
-Со Томи Салковски, управител на „Скопје Филм Студио“ и организатор на Скопскиот филмски фестивал, потпишавме Меморандум за соработка со кој воспоставуваме долгорочно партнерство за развој на филмската уметност, побогата културна понуда и посилна меѓународна афирмација на Скопје.
Нашиот град има силна филмска традиција, талентирани автори и публика која заслужува квалитетна и достапна култура.
Со оваа соработка создаваме услови за натамошен развој на фестивалот и негово поцврсто позиционирање на регионалната и европската културна сцена.
Преку европски филмски програми, меѓународни партнерства и активности за младата публика, ќе отвориме нови можности за авторите и за посилно претставување на македонската кинематографија пред европската публика.
Во пресрет на „Скопје 2028 – Европска престолнина на културата“, продолжуваме да градиме партнерства што ќе придонесат за траен развој на културниот живот во градот.
Скопје има приказни што заслужуваат да го обиколат светот и таленти што заслужуваат поддршка.
Наша обврска е да им овозможиме простор да создаваат и да успеваат!, напиша Ѓорѓиевски.