Регулаторната комисија за енергетика, водни услуги и услуги за управување со комунален отпад (РКЕ) денеска ќе одлучува за новите цени на нафтените деривати.
Минатата недела цените на горивата забележаа значително намалување. Сепак, последните случувања и брзиот раст на цените на нафтата на светските берзи укажуваат на можност за нов, значителен скок на цените и во Македонија.
За потсетување, при претходното прилагодување, малопродажната цена на ЕУРОДИЗЕЛ (Д-Е V) се намали за 6,50 денари по литар и изнесуваше 95,00 денари, додека Екстра лесното масло за домаќинство (ЕЛ-1) поевтини за 3,50 денари и се продаваше по цена од 97,00 денари по литар.
Од друга страна, бензините тогаш забележаа благо покачување. Цените на ЕУРОСУПЕР БС-95 и ЕУРОСУПЕР БС-98 се зголемија за 1,00 денар по литар, со што ЕУРОСУПЕР БС-95 достигна цена од 94,00 денари/литар, а ЕУРОСУПЕР БС-98 се продаваше за 96,00 денари/литар.
Малопродажната цена на Мазутот М-1 НС се намали за 1,166 ден/кг и изнесуваше 44,410 ден/кг.
Новите одлуки на РКЕ се очекува да бидат објавени во текот на денот.