Нов случај на голема кашлица кај невакцинирано дете
Пријавен е нов случај на голема кашлица во периодот од 28 март до вчера, за еден повеќе од претходниот седмодневен период, кога немаше пријавено случаи, информираат денеска од Институтот за јавно здравје (ИЈЗ).
- Случајот е од Куманово, од возрасната група од 10 до 14 години и невакциниран со вакцина што содржи компонента на пертусис. Случајот не е хоспитализиран, појаснуваат од ИЈЗ.
Во периодот 2024/25 година, заклучно со вчерашниот ден, на територија на државава, регистрирани биле вкупно 1.186 лица заболени од голема кашлица.
Според податоците, највисока инциденца од 265,1/100.000 жители се регистрира во Кратово, во Скопје - 137,2/100.000 и 103,3/100.000 во Куманово.
Од ИЈЗ потсетуваат дека епидемијата на територија на град Скопје е сè уште во тек.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
