Чешка донација за Клиниката за детски болести
Амбасадата на Република Чешка на Универзитетската клиника за детски болести и донираше еден неонатолошки пулсоксиметар со сензор за сатурација, два вакум централни аспиратора, три инхалатори „Хепи Неб 3“, еден јонизатор/озонатор прочистувач и две ампули за нивелизација „Неб џет“.
Донацијата вредна 111.475 денари е реализирана преку невладината организација ЛинкАкрос. Се работи за продолжување на проектот за изградба на Ургентниот центар, чиј иницијатор беше ЛинкАкрос.
На предавањето на опремата беа присутни директорката на Клиниката Аспазија Софијанова, чешкиот амбасадор Мирослав Рамеш, неговиот заменик Јосеф Брож и директорот на ЛинкАкрос Џонатан Мангелс.
Клиниката за Детски болести изрази огромна благодарност за поддршката и помошта од страна на Чешка во реновирањето на објектот и создавање подобри услови за лекување на најмладите пациенти.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
