Невремето направи хаос во кавадаречко

Дел од лозовите насади во кавадаречко претрпеле штети по врнежите од град кои синоќа го зафатија овој крај.

- Според првичните информации, најпогодени од невремето се лозовите плантажи крај Тиквешкото езеро, месностите „Бела чешма“, „Шамаците“ и „Умата“, ресавскиот атар, околу „Љубаш“ и „Коњските дупки“, изјави Лазе Стамаџиев од Подрачната единица на Агенцијата за поттикнување на развојот во земјоделството, пренесе МИА.

Тој нагласи дека сеуште е рано да се зборува за висината на штетите бидејќи треба на терен да се согледаат вистинските состојби.