Хаос во Скопје - се санираат штетите од поплавите
Екипи на јавните претпријатија, ЕВН и ГАМА се на терен и преземаат соодветни мерки за да се санираат штетите од силното невреме кое вчера ја зафати Македонија.
Министерот за транспорт и врски Миле Јанакиески, кој координира со Оперативното тело на Владата, и кој ноќеска заедно со градоначалникот на Град Скопје Коце Трајановски, посети повеќе критични точки настанати од невремето во Скопје, посочи дека засега нема пријави за повредени лица, а причинета е само материјална штета: - Во контакт сме со Гама, од каде не информираа дека дефектот во Општина Аеродром кој беше предизвикан од удар од гром, е саниран и нема никаква опасност за населението. Во контакт сме и со ЕВН, од каде дознаваме дека мал број трафостаници се во дефект поради обилните врнежи од дожд. Сите екипи на ЕВН се на терен и се очекува наскоро да бидат санирани и овие проблеми, истакна Јанакиески.
Градоначалникот Трајановски истакна дека се работи на оспособување на сообраќајниците.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
