Груевски: Победи волјата на народот - победи Македонија!

Лидерот на ВМРО-ДПМНЕ, Никола Груевски вечерва се заблагодари за поддршката која граѓаните денеска ја дадоа на ВМРО-ДПМНЕ и Коалицијата.

- Иванов победи со разлика од над 130.000 гласови. Му ја честитаме победата. Најголем победник е Македонија! Честитки до сите граѓани на Република Македонија за успешниот изборен ден а особено оние кои гласаа, рече вечерва Груевски во своето обраќање.

Груевски истакна дека денеска Македонија реализираше ефективни избори, кои минаа без било какви инциденти.

-Тој се заблагодари за поддршката и упати честитки до Македонците, Албанците, Русите, Србите, Власите, Србите, Власите и до сите кои гласаа на овие избори.

На 92 проценти преброени гласови, рече Груевски, се чини ќе имаме 61 или 62 места во Парламентот, наспроти 34 или 35 за СДСМ и Коалицијата.

- Ова е јасно изразена победа на граѓаните на Македонија. Јасно изразена волја на народот. Двете победи значат дека граѓаните во 9 изборни циклуси ни даваат поддршка за што им благодариме. Нашиот концепт е реализација на ветеното, конкретни, а не општи ветувања. Концепт за услови за нови работни места во тешки времиња. Концептот за привлекување странски инвестиции. Концепт на директно приоѓање и решавање на проблемите на граѓаните, ниски давачки, инвестиции во образованието, подобрување на здравството, земјоделието, на силна борба против криминалот и корупцијата, владеење на правото, рече Груевски во вечерашното обраќање.

Лидерот на ВМРО-ДПМНЕ, потенцираше дека постои огромна разлика и дека таа денеска наиде на јасен одговор од граѓаните во сите општини во Македонија.

Тој истакна дека Владата од утре повторно ќе работи за сите граѓани, за цела држава.