Нов тек на истрагата: Малезискиот Боинг сепак слетал на копно

Потрагата по исчезнатиот малезиски авион на летот MH370 не вроди со плод а истражувачките тимови најавуваат дека ако делови од авионот не се појават наредните неколку денови, ќе го сменат текот на истрагата. Истражувачите ќе ја земат во предвид и теоријата дека авионот слетал на копно.

- Ако во текот на наредните денови не добиеме позитивни резултати од истрагата, ќе мора да се прегрупираме и да размислиме за можноста дека авионот слетал на копно- вели извор од меѓународниот истражувачки тим.

Истражувачите не го навеле името на земјата во која постои можност да слетал авионот.

Претпоставката за слетување на авионот во пустош на земјата не е невозможно, со оглед на тоа дека не се пронајдени делови што може да се поврзат со авионот. Сепак, тоа е малку апсурдно да се мисли дека една земја го крие авионот, кога повеќе од 20 земји кои се вклучени во потрагата - изјави изворот.

Ова е 45 ден од започнатата истрага по исчезнатиот малезиски авион.