„Му излета дека фиромскиот јазик е македонски“ - кариерата на солунскиот градоначалник виси на конец

Солунскиот градоначалник Јанис Бутарис се најде на мета на грчките медиуми откако на состанок на градскиот совет го употребил терминот „македонски јазик“, објавува МИА.

Бутарис спонтано употреби лош збор - „македонски“ за јазикот што се зборува во поранешната југословенска Република Македонија, пишува весникот „Авги“ нагласувајќи дека поради ваквиот „испад“ веднаш реагирале претставниците на партиите од десното крило.

„ИнЊуз“ пишува дека откако еден од советниците го потсетил Бутрис дека „јазикот се вика фиромски“, Бутарис инсистирал и истакнал дека тој е Влаф и оти „во минатото Власите зборувале македонски“.

„Скопјаните според Бутарис зборуваат македонски јазик“, „тешко дека повторно ќе биде избран за градоначалник“, „на Бутарис му излета дека фиромскиот јазик е македонски“ се само некои од коментарите во грчките медиуми.

најчитано сега