Со Југото прегазил пешак - десет сообраќајки на скопските улици
Во текот на изминатиот ден на подрачјето на Скопје се случиле вкупно 10 сообраќајки во кои со повреди се здобиле двајца пешаци и велосипедист.
Една од несреќите се случила на улицата „Габриел Константиновиќ“ во која учествувале патничко моторно возило „застава југо“ со скопски регистарски таблички, управувано од граѓанин на Скопје и пешак, исто така од Скопје, во која со тешки телесни повреди се здобил пешакот.
Сообраќајната полиција санкционирала тројца возачи со нерегистрирани возила, и по четворица, без возачка дозвола и без заштитен шлем.
За денеска не се најавени вонредни настани со што се очекува сообраќајот да се одвива тековно според постоечката сообраќајна регулатива.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа