Вонредна временска прогноза: Еве какво време не очекува од утре
Дожд, грмежи, засилен ветер и намалување на дневните температури за шест степени, а утринските околу нула, најавуваат од Управата за хидрометеоролошки работи.
За денеска попладне и во текот на ноќта најавуваат променливо облачно со повремени врнежи од дожд. На места нестабилно со краткотраен пороен дожд и грмежи, особено во јужните делови. Ќе дува умерен, а во попладневните и ноќните часови засилен северозападен ветер (повремено над 70 км/час), кој ќе услови на повисоките планини повремени локални врнежи од снег. Максималната температура ќе се движи од 17 до 23 степени, а кон крајот на денот позначително ќе опадне.
И утре претпладне ќе дува умерен до засилен северен ветер, ќе има и повремени локални врнежи од дожд, а на планините слаб снег. Во петок ќе биде претежно облачно со повремени врнежи од дожд, на планините со повремен снег. Дневните температури ќе се движат од осум до 16 степени, а од петок до недела утринските температури на места се очекува да бидат околу нула.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
