Температурите паѓаат - уште денеска ќе му се радуваме на сонцето

Времето во Македонија денеска ќе биде сончево со умерена облачност и со слаб северен ветер. Утринската температура ќе се движи од два до осум, а дневната од 17 до 23 степени.

Во Скопје слично време, со утринска температура до пет и со дневна до 22 степена. Во среда попладне се очекува позначителна промена на временската состојба.

Ќе има спуштање на влажна и постудена воздушна маса која ќе предизвика локални врнежи од дожд, грмежи и засилен ветер, како и значително опаѓање на температурата. Потоа, во наредните два дена ќе биде променливо облачно со повремени локални врнежи од дожд.