Русија го повикува Киев: Престанете да покажувате со прст кон Москва

Русија денеска ги повика властите во Киев да престанат со обвиненијата кон Москва, откако министерот за внатрешни работи на Украина Арсен Аваков го обвини рускиот претседател Владимир Путин дека стои зад заземањето на владините згради во источниот дел на Украина.

- Престанете да покажувате со прст кон Москва и да обвинувате за сите денешни проблеми на Украина, се наведува во соопштението на министерството за надворешни работи на Русија.

Во соопштението се наведува дека Русија предложи да бидат спроведени уставни реформи за зголемување на власта на украинските региони.

Аваков вчера го обвини претседателот на Русија Владимир Путин дека стои зад заземањето на владините згради во источниот дел на Украина од страна на проруски демонстранти.