Toдоров им подели Изборни програми на делчевчани
Носителот на листа на ИЕ 3, Никола Тодоров денеска ја посети општина Делчево.
За време на посетата, Тодоров го прошета центарот на Делчево и ги посети и населбите Милково Брдо и Старо Делчево, каде оствари средби со тамошните жители. Тодоров се запозна со тековните услови за живеење во населбите, реализираните проекти, како и проблемите со кои се соочува населението.
Тодоров на делчевчани им подели поголем број печатени примероци од новата Изборната програма на ВМРО-ДПМНЕ 2014-2018, која содржи вкупно 2046 проекти.
Од проектите предвидени со програмата, делчевчаните ќе имаат голем бенефит од аспект на инфраструктурно поврзување со соседните општини, како и од развојот на индустриските капацитети со предвидениот почеток на изградба на технолошко индустриска развојна зона Делчево во 2014 година.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
