Aпелација ја потврди пресудата - лажната докторка од Кавадарци ќе лежи затвор
Апелацискиот суд од Скопје ја потврди пресудата на Основен суд Кавадарци, според која, лажната докторка од овој град беше осудена на 11 месеци затвор и парична казна од 250 евра.
В.д. претседателката на кавадаречкиот суд Елизабета Петковска ја потврдила оваа информација, потсетувајќи дека првостепениот суд ја прогласи Љ.К. за виновна за трите кривични дела за кои беше обвинета. Измама, фалсификување на исправа и надрилекарство, пренесува МИА.
Пред една година државен санитарен и здравствен инспектор по вонреден инспекциски надзор донесе решение за отстранување на лажната млада докторка од Здравствениот дом во Кавадарци каде што работеше извесно време. Министерството за здравство поднесе кривична пријава до Јавното обвинителство.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
