Полски свештеник ги предупредува родителите - Лего играчките се „орудие на сатаната“

Свештеникот Славомир Костршева, смета дека данската компанија „Лего“, со својата најнова серија од пластични играчки придонесува за создавање на „светот на мртвите и на Зомбите“, додека со фигурите „Борец-чудовиште“ ги води децата кон „мрачната страна на животот“.

Тој ги повика родителите да му се спротивстават на „Лего“ со некупување на овие играчки и обвинувајќи ја компанијата-производител дека се „свртува кон мрачното“ и на тој начин ги насочува децата кон мрачниот свет и кон светот на умрените.

Свештеникот Костршева своето обвинување за овие играчки го поткрепува со истражувањето што го направиле експерти од Универзитетот Кантербери во Нов Зеланд.

Испитувајќи ги играчките „лего“ и нивното влијание врз децата, новозеландските истражувачи забележиле дека изразите на ликовите на играчките на малите фигури, стануваат се повеќе гневни.

- Таквите изрази на лицата на фигурите „лего“, може да предизвикаат конфузија кај најмладите, за тоа што е добро, а што е лошо, како и меѓу доброто и злото, им порача на родителите свештеникот Славомир Костршева, во текот на еден од редовните проповеди.