Иванов денеска во Виница и Радовиш - еве каде ќе одат кандидатите за претседател

Кандидатитекои ја трчаат трката за претседател на државата денеска повторно на средби и митинзи во градовите низ Македонија.

Ѓорѓе Иванов, претседателскиот кандидат на коалицијата „За подобра Македонија“ предводена од ВМРО-ДПМНЕ кој се бори за втор претседателски мандат, денеска ќе одржи митинзи во Виница и Радовиш, како и помали митинзи во Чешиново-Облешево, Зрновци и Карбинци, додека СДСМ, со кандидатот Стево Пендаровски, ќе има митинг во Делчево и средби со граѓани во Македонска Каменица, Берово и Пехчево.

Во текот на денешниот ден и  ГРОМ,  со својот кандидат Зоран Поповски, ќе одржи митинг во Кисела Вода и средби со граѓани во Петровец, Илинден, Зелениково, Сопиште и Количани, а кандидатот за претседател на ДПА Илијаз Халими ќе одржи митинг во селото Речане, а претходно средби со граѓаните ќе има во Дебреше, Здуње, Равен и Вруток.