Полицаец се качил на дрво за да спаси маче па и сам се заглавил

Полицаец од Њујорк чијшто идентитет не е познат се качил на дрво за да спаси маче, но и самиот си создал неволја кога се заглавил.

Додека сакал да му помогне на мачето кое не можело да се симне од дрвото, полицаецот и сам се заглавил на височина од околу 9 метри.

Тој веднаш се јавил на противпожарната служба, па пожарникарите кои веднаш дошле на местото на настанот ги симнале и полицаецот и мачето од дрвото каде биле заглавени.

Инаку, дрвото се наоѓало во близина на основно училиште, па безброј деца го гледале спасувањето на мачето иполицаецот, што секако им било малку комично.