Земјотрес од 6 степени ја погоди Камчатка
Земјотрес со интензитет од 6,4 степени според Рихтеровата скала беше регистриран во Тихиот Океан, покрај источното крајбрежје на полуостровот Камчатка.
Земјотресот е почувствуван во 22:44 часот по московско време.
Епицентарот на земјотресот бил во океанот на 174 километри источно од градот Петропавловск-Камчатскиј на длабочина од 40 километри под морското дно.
Засега нема информации за евентуални жртви или причинета материјална штета.
