Се уште нема никакви траги од исчезнатиот малезиски авион

Два виетнамски авиони беа испратени во реонот каде вчера кинескиот сателит беше забележал некакви останки за кои се претпоставуваше дека му припаѓаат на исчезнатиот малезиски „Боинг-777“, но ништо не откриеле.

Авионите „Антонов 26“ за околу три часа повеќепати го надлетале реонот над Јужно Кинеско Море, но за жал не усепале да откријат никакви предмети.

Кинескиот премиер Ли Кечијанг изјави дека потрагата по малезискиот авион, кој исчезна во саботата, ќе продолжи.

- Ние нема да се откажеме и ќе ја истражуваме и најмалата трага, која ќе биде откриена, изјави Ли на прес-конференција во Пекинг.