Кики Лесендриќ: Откако Илма замина Кајмакоски е без конкуренција

Кики Лесендриќ, менторот на Илма Карахмет која го напушти музичкото шоу Икс-Фактор, вели дека е изненаден од одлуката на судиите, и дека сега откако таа си заминала најголеми шанси за победа дефинитивно има Даниел Кајмакоски.

- Ме шокираа ставовите на Жељко, Кристина и Емина. Нејзината младост е предност, а не пречка. Доколку гледаме реално, таа е најдобар пејач на целото шоу. Не можам да сфатам зошто го напушти шоуто. Сите очекуваа дека таа ќе победи, а и јас верував во тоа. По ова мислам дека најголеми шанси има Даниел, кој со својот глас и скромност освои многу женски срца. Тој е талентирано момче и собира сè повеќе гласови од недела во недела, вели Кики.