Додека го шетале кучето пронашле златни монети вредни 10. 000 долари

Древни златни монети во вкупна вредност од 10 милиони долари биле откриени во американската сојузна држава Калифорнија.

Една двојка била изненадена кога кучето почнало да копа во дворот недалеку од нивниот дом и под едно дрво ископало пет лименки до врвот полни со златници кои потекнуваат од периодот меѓу 1847 и 1894 година.

Во садот имало повеќе од 1.427 златни монети во одлична состојба, која официјално го потврдил професионалниот нумизматичар Дејвид Кол од градот Саната Ана. Некои од монетите, според него, се проценуваат на 27 илјади долари, но има и такви чијашто вредноста надминува милиони долари.

„Станува збор за неверојатно единствено откритие, можам да кажам дека тие го нашле ќупот со злато на крајот од виножитото", изјавил за телевизијата познатиот американски колекционер на монети Дон Кегин, запознаен со случајот. Додал дека среќната двојка побарала да останат неименувани и да не се открива точното место каде се пронајдени монетите, за да не се предизвика „златна треска" и да се привлечат илјадници вооружени со детектори за метал.

Среќната двојка преку Кегин соопштила дека сега има намера да продаде поголем дел од златниците, а некои да ги подари на нумизматички музеи, а со добиените пари да им помогнат на сиромашните сограѓани.