Љубе Бошкоски повторно напиша писмо од келијата во Идризoво - еве што пишува во него

На помалку од 2 месеци пред стартот на претседателските и се поизвесните предвремени парламентарни избори, Љубе Бошкоски се реши повторно да напише писмо од затворот во ИДризово каде одлежува казна за помагање во случајот со убиството на Марјан Тушевски и Киро Јанев како и за залоупотреба на средства во предизборна кампња. 
Тој преку порталот А1 он испраќа порака дека е време „да се крене главата“

„Силно извикуваме: ВРЕМЕ Е…!
…да ја кренеме главата гордо и високо; да ги оставиме нив во нивниот имагинарен свет; да го кренеме гласот и да не запреме!

Време е да го напуштиме наметнатиот од нив страв со максима дека „Молчењето е „богатство“!
Но, се прашуваме: Колку ли само ќе беше богата Македонија која осум години молчи? Ако беше молчењето богатство или злато, нашата татковина ќе беше поплочена со овој благороден метал! А каде е денес Македонија?

Време е да го вратиме загрозениот човечки идентитет за да ја сочуваме македонската национална, културна и каква и да е друга самобитност…

Време е да се бориме до последниот збор за зборот, како што пишува во Стариот Завет: …на почетокот беше зборот! Да не занемуваме пред догмите режимски!

Време е, навистина крајно време е да ги растајниме сите тајни за злоделата кои ги направија против граѓаните, против вистинските вмровци, показувајќи ја светоста на ВМРО; да растајниме се’ што ја протона Македонија и вистината да ги замени лагата, а демократијата – инквизицијата!“ - стои в писмото кое Бошкоски го напишал од келијата во Идризиово.

Последното писмо Бошковски го напиша во декември минатата година. Прочитајте го тука