Снежна бура го погоди североисточниот дел на САД- прогласена вонредна состојба
Силна снежна бура го погоди денеска источното крајбрежје на САД, поради што властите воведоа вонредна состојба во сојузната држава Њу Џерси, а во Роуд Ајленд беа затворени училиштата.
Метеоролозите прогнозираат дека снежната покривка ќе достигне до 30 сантиметри. Тие очекуваат во регионот меѓу областите јужно од Големите Езера и Нова Англија на исток да падне значително количество снег, пред бурата да се повлече вечерва кон Атлантскиот Океан.
Во регионот меѓу териториите северно од Вашингтон и Њујорк врнеше комбинација од снег, лапавица и леден дожд.
Поради бурата беа откажани повеќе од две илјади летови, а над 250 доцнеа.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
