„Портокалово“ ниво на опасност од снежни врнежи во Романија
Романската Националана метеоролошка служба денеска прогласи „портокалово“ ниво на опасност од снежни врнежи и виулици во десет окрузи во јужниот и источниот дел на Романија, вклучително и во реонот на главниот град Букурешт.
Во други 16 романски окрузи е прогласено „жолто“ ниво на опасност од снежни врнежи. Предупредувањата за ваквата опасност стапуваат во сила денеска во 18 часот по локално време (17 часот по средноевропско време) и важат до недела во 18 часот.
Службата предупреди дека во текот на викендот е можно интензивирање на врнежите од снег и дека би можело да биде прогласено и „црвено“ ниво на опасност од невреме, како и формирање на снежна покривака и до 50 сантиметри.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
