Седници на три собраниски комисии
Во Собранието денеска ќе заседаваат комисиите за европски прашања, за одбрана и безбедност и Законодавно-правната комисија.
На дневен ред на Комисијата за европски прашања е Предлог-законот за користење на податоците од јавниот сектор, во прво читање.
Предлог-одлука за испраќање на припадници на Армијата на Република Македонија за учество во мировната операција ИСАФ во Авганистан, е точката по која ќе расправаат членовите на Комисијата за одбрана и безбедност.
Законодавно-правната комисија ќе расправа по Предлог-законот за изменување на Законот за заштита на сведоци и Предлог-законот за изменување и дополнување на Законот за здравствената заштита, и двата во прво читање
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
