Успешна акција на спасување во Маврово: Најдено изгубено лице
Центарот за управување со кризи утрово информира дека вчера (17 ноември) регионалниот ЦУК Тетово, известил дека во 17.58 часот на Единствениот повикувачки број за итни случаи 112 е добиена пријава за изгубено лице над Галичките терени во Маврово (Општина Маврово – Ростуше).
„Од страна на РЦУК Тетово веднаш е остварен контакт со пријавителката како и со ПС Маврово од каде добиле информација дека екипи од ПС Маврово, ПС Ростуше и од Национален парк „Маврово“ се упатени на терен, односно на локацијата каде што е евидентиран последниот телефонски повик од изгубеното лице.“, соопшти ЦУК.
По кратко време, односно околу 18:45 часот во Регионалниот ЦУК Тетово била добиена информација дека лицето е пронајдено и дека е во добра општа состојба.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
