Муцунски: Мојата сопруга не беше во Вашингтон, СДСМ лаже

Од Министерството за надворешни работи демантираат дека и сопругата на Муцунски била на Самитот на НАТО во Вашингтон, како што претходно денеска обвини опозициската СДСМ.

„Во целост ја демантираме информацијата доставена од страна на СДСМ до медиумите, поврзана со патувањето на министерот Муцунски во Вашингтон.

Воедно, ја информираме јавноста дека и покрај тоа што постои дипломатска пракса министер за надворешни работи на официјални настани од ваков вид да биде формално придружуван од брачен партнер, вистината е дека на ова патување министерот не беше придружуван од својата сопруга. Министерот единствено беше придружуван од дипломати од Министерството и дипломатско конзуларните претставништва, а кои се наоѓаа на списокот како дел од официјалната делегација“, стои во демантот на МНР испратен до медиумите.

Уште еднаш напоменуваме дека информациите споделени во денешното соопштение на СДСМ се целосна лага и невистина.