И Босна нема да ја видиме на Евросонг

И Босна го откажува учеството на  музичкиот натпревар Евросонг.

- Одборот на директори на БХРТ на седница која се одржала во Сараево донеле одлука да не учествуваат на „Евровизија“ во Копенхаген бидејќи не е затворена финансиската конструкција за самофинансирање, како што било планирано. Но, сепак, одборот ќе направи сѐ за да им овозможи на граѓаните на Босна и Херцеговина директен пренос од „Евровизија“ – стои во нивното соопштението на Босанската национална телевизија БХРТ.

Финансискиот одбор сметал дека наоѓањето спонзор ќе ги реши сите проблеми, но, сепак, на крајот не излегло како што се очекувало.