Отворен ден за граѓаните на Ѓорче Петров

Денеска вратите на општината Ѓорче Петров од 9 до 14 часот ќе бидат отворени за граѓаните. Целта е граѓаните да поставуваат прашања, да даваат предлози и да покренуваат иницијативи за решавање конкретни проблеми од локалната самоуправа со што ќе придонесат за подобрување и успешно реализирање на плановите и програмите за работа на Општината.

Општина Ѓорче Петров ги повикува граѓаните да ја искористат можноста за непосредно учество во креирањето на работата на општинската администрација.