106-годишнa Филипинка е најстариот модел на насловна на „Вог“
Филипинскиот „Вог“ ја откри Апо Вхангод како ѕвезда на корицата на нивното априлско издание, потег што ја прави оваа 106-годишната уметница за тетоважи од Филипини – најстарата личност која некогаш се појавила на насловна страница на „Вог“.
Како што објави Си-ен-ен, господарката на тетоважи, позната и како Марија Огаја, ја усовршува уметноста на тетоважи уште од тинејџерска возраст, учејќи под инструкции на својот татко.
Живее во планинското село Бускалан, околу 15 часа северно од Манила, во провинцијата Калинга и, се смета за најстар уметник за тетоважи во земјата.
Порано – тетоважите што ги прави Вхангод од стапче од бамбус, трн од стеблото помело, вода и јаглен – ги цртале домородните воини од племето Бутбут.
Вхангод потекнува од племето Бутбут, легендарна група племенски воини, кои биле познати по својата храброст. Не е лесно да се одржи традицијата на древното тетовирање затоа што во културата на која припаѓа таа, уметничките знаења може да се пренесат само на роднина по крв.
Оваа уметница почнала да ги учи своите две правнуки, пренесува Си-ен-ен.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
