Полнете резервоари - од ноќеска поскап бензин
Малопродажните цени на бензините од ноќеска на полноќ се зголемуваат за 1,50 денари за литар, одлучи Регулаторната комисија за енергетика.
Новата малопродажна цена на Еуросупер БС-95 ќе изнесува 78 денари, a на Еуросупер БС-98 ќе биде 80 денари за литар. За денар и половина поскапува и Еуродизелот и ќе се продава по 70 денари. Цената на екстра лесното масло за домаќинство се зголемува за два денари и ќе изнесува 59 денари за литар.
Малопродажната цена на мазутот М-1 НС се зголемува за 1,289 ден/кг и ќе изнесува 41,092 денари за килограм.
02.12.2013 - 12:38
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
