„Талир 2“: Конфискувано седиштето на ВМРО-ДПМНЕ, како и повеќе партиски штабови

Судечкиот совет во предметот „Талир 2” го прогласи за виновен поранешниот премиер и лидер на ВМРО-ДПМНЕ Никола Груевски и го осуди на казна затвор од шест години за кривичното дело злоупотреба на службена должност. За виновен е прогласен и Кирил Божиновски, кого судот го осуди на две години условна казна.

Воедно, судот го прифати и предлогот на обвинителство и го конфискуваше седиштето на политичката партија ВМРО-ДПМНЕ и повеќе партиски штабови низ државата.

Судењето го води судијката Даниела Алексовска Стојаноска, а застапник на обвинението е јавниот обвинител Љубомир Лапе.