Власта и опозицијата се обвинуваат меѓу себе со фотографии од Германија

Потпретседателот на ВМРО-ДПМНЕ и поранешен министер за транспорт и врски Владо Мисајловски вчера на Фејсбук објави фотографија на која напиша „Ова е таа градежна офанзива и правиот пат на СДСМ!?“.

Сепак, според вестите од германските медиуми објавени на 4 јуни, фотографијата која Мисајловски ја објавил всушност е од Германија.Фотографијата е од малата општина Киршдорф во покраината Баварија.

Но, и координаторот на пратеничката група на ВМРО-ДПМНЕ, Никола Мицевски обвини дека власта позајмува фотографии од проекти во Германија и ги објавува како свои.

„Е што бе "другари"???

Позајмувате слики од други проекти.
Е ќе позајмувате, кога ништо не сработивте за да сликате“, напиша Мицевски на Фејсбук.