Луѓето полудеа по овој специјалитет: Џејми Оливер откри рецепт од древен индијански народ за пржени лепчиња

Пржени лепчиња, неверојатно лесни за подготовка, стана еден од најбараните рецепти, а леснотијата за подготовка и неверојатниот вкус го воодушеви и популарнит готвач Џејми Оливер.

Станува збор за т.н. Навахо леб, кој името го добил по истоимениот индијански народ кој што живеел северно од Мексико, а кој во традицијата го подготвувале токму овој специјалитет.

Џејми овој рецепт го опишува како мешавина на тортиљи и индиски наан леб, а вели дека може да се јаде и во блага и во солена варијанта.

Потребни состојки:

- 600 грама тврдо брашно

- 2 лажици прашок за печиво

- 6 лажици маслиново масло

- 1 лажица сол, зачини по желба.  

Подготовка:

Измешајте го брашното, прашокот за печиво, солта и зачините (доколку ги користите). Во средината на смесата ставете го маслиновото масло и околу 150 милилитри млака вода. Помешајте и додавајте вода по потреба.

Тестото месете го од 5 до 10 минути, префрлете го во сад и ставете уште малку брашно, па оставете да отстои.

Тестото поделете го на 10 топчиња, намачкајте ги вашите раце со масло за јадење и раширете го тестото додека не добиете облик на подебела палачинка.

Пржете во загреано масло, кратко од двете страни додека не зарумени.

Пријатно јадење!