Грција ги објави протоколите за летување: Што треба да знаете ако одите таму
Сите хотели и туристички објекти во Грција мора да имаат "План за управување со сомнителен случај со Ковид-19", согласно со здравствените протоколи од Министерството за Туризам. Хотелите со капацитет од 50 или повеќе соби треба да изработат акционен план и индивидуални протоколи за секој дел од објектот за управување со позитивен случај.
Предвидена е и обука на персоналот околу начините на кои се пренесува вирусот, за процесот на информирање на одговорните во хотелот како и за одржување на основните правила на лична хигиена.
На рецепциите на хотелите треба да има антисептик, да се држи потребната дистанца, а пријавувањето и одјавувањето да врши по електронски пат. Секако, плаќањето ќе мора да се врши со картичка.
На хотелите во Грција им се препорачува да ги отстранат списанијата, каталозите и далечинските управувачи и секојдневно да се проверува дали во собите има антисептик.
Во здравствените протоколи вклучени се и организираните кампови, каде што исто така ќе мора да има план за управување со сомнителен случај на Ковид-19.
Меѓу камп-приколките и шаторите ќе мора да има растојание од пет метри и три метри странично.
Автобусите ќе работат со 50 проценти од капацитетите, а патниците за време на целото патување ќе мора да носат маска. Се препорачува автобусите често да се проветруваат и темелно да се дезинфицираа по секое патување.
И компаниите кои работат со автобуски превоз треба да имаат план за управување со сомнителен случај на коронавирус.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа