Сотирова: Епидемиолозите го бараат нултиот пациент кој зарази седуммина полицајци
Здравствените власти работат на откривање на нултиот пациент од кого тргнало пренесувањето на коронавирусот меѓу полицајците од Единицата за брзо распоредување. Директорката на санитарниот и здравствен инспекторат Иринка Сотирова – Бухова денес потврди дека седуммина полицајци се позитивни на коронавирусот, а се проверуваат 39 нивни контакти.
„Информациите кои ги имаме говорат дека има седуммина позитивни и откриени се 39 нивни контакти. Плус се врши анализа на нивните контакти во Скопје. За тоа како кој е нултиот пациент, меѓу нив одговор ќе даде епидемиолошката анкета. Таа е во тек, кога ќе заврши во целост ќе имаме поконкретни информации“, рече директорката Сотирова – Бухова.
Инспекторатот има информација дека полицајците се заразиле во Охрид. Тие работно престојувале во одморалиштето на Министерството за внатрешни работи во Охрид.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
