Славески: Реализацијата на капиталните инвестиции е слаба точка на оваа Влада

Членот на Извршниот комитет на ВМРО-ДПМНЕ, Трајко Славески во вечерашното гостување во „Топ тема“ рече дека реализацијата на капиталните инвестиции беше на катастрофално ниво и во нормални услови и токму поради оваа причина тој изрази сомнеж дека годинава реализацијата на капиталните инвестиции ќе биде на задоволително ниво.

Причината за ова Славески ја гледа во слабата подготвеност на проектите и и некапацитетноста на Владата.

-Реализацијата на капиталните инвестиции во нормални услови се покажа како ахилова пета на оваа Влада. Мислам не треба да се дискутираат. Да се потсетиме на дебати во ова студио и одгласи во јавноста дека имаме многу низок степен на реализација на капитални инвестиции и мислам ги знаеме причините нели, слаба подготвеност на проектите, некапацитетни тимови на буџетските корисници, истакна Славески.