Заев: Премиерот, вицепремиерите, судии, обвинители и функционери за април и мај со минимална плата

СДСМ подготви нов огромен пакет економски мерки и ги приложи кај Владата, со цел да им се помогне на компаниите, работниците, на бизнисот и на граѓаните, а главната цел е да се одржи јавната и приватната потрошувачка, соопшти лидерот на партијата, Зоран Заев.

Мерките, според Заев се околу 200 милиони евра за поддршка на граѓаните и стопанството. За приватните фирми државата ќе обезбеди минимална плата од 14.500 денари за април и мај, а фирмите ќе треба сами да си ги платат придонесите за плати и персоналниот данок.

„Сите функционери и раководители одат на минимална плата. Пратеници, премиерот, вицепремиерите, судии и обвинители за април и мај ќе земат минимална плата. Исто така и јавната администрација и на државно и на локално ниво. Оваа мерка не важи за лекарите и медицинскиот персонал, за полицајците и војниците“, рече Заев.