Се судрија мопед и автомобил во штипско:15- годишно девојче тешко повредено
Малолетничка која управувала со мопед и автомобил се судрија вчера во штипско, по што малолетничката се здобила со тешки повреди и била пренесена во болница.
Според пријавеното, вчера попладне во 17 часот и 20 минути било пријавено дека во село Стар Караорман, штипско, се случила сообраќајна незгода помеѓу патничко моторно возило „цитроен берлинго“ со штипски регистарски ознаки, управувано од В.М.(69) од Штип и мопед „априлиа“ со штипски регистарски ознаки, управуван од 15 годишна малолетничка од село Таринци, општина Карбинци.
Во незгодата малолетничката се здобила со тешки телесни повреди и била пренесена во Клиничката болница Штип за укажување на лекарска помош.
Извршен бил увид на местото на настанот од увидна екипа од СВР Штип.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа