Заев со честитка: Северна Македонија гради едно општество, а турската заедница е значаен ден од него
Премиерот Зоран Заев по повод одбележувањето на 21 декември – Денот на наставата на турски јазик, упати честитка до припадниците на турската заедница во Република Македонија.
-Денес, кога Северна Македонија гради едно општество за сите свои граѓани, припадниците на турската заедница се значаен и конструктивен дел од тоа наше заедничко општество. Наши истакнати сограѓани од турската заедница го даваат личниот, значаен придонес во развојот на нашиот мултикултурен и мултиетнички мозаик, напиша премиерот Заев во честитката.
Почитта кон другиот и поддршката за секоја заедница да го негува и чува мајчиниот јазик, потенцира тој, е од огромно значење зашто ги обединува луѓето.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
